Kəlbəcərdəki ermənilər müharibəyə yox, “prezident seçki”lərinə hazırlaşır...

Arxayındırlar ki, biz ancaq sözdə asıb-kəsirik...

Azərbaycanın işğal altındakı torpaqlarında qondarılmış separatçı-terrorçu rejimin keçmiş “baş naziri” sayılan Araik Arutyunyan ad-soyadlı adamabənzər məxluq dünən- mayın 21-də Kəlbəcər rayon mərkəzində olub.
Korrupsiya-q.az xəbər verir ki, bu haqda Xankəndindəki separatçı nəşrlər məlumat yayıb. Hazırda “Azad vətən” partiyasının sədri olan A.Arutyunyan Kəlbəcərdəki ermənilərlə görüşə 2020-ci ildə nəzərdə tutulan və belə getsə, reallaşdırılacaq “prezident seçkiləri”nə hazırlıq məqsədi ilə gəlib. “Seçki”lərdə namizədliyini irəli sürməyi qərara almış separatçı məmur özünün rejim başında olduğu son 10 ildə əldə edilmiş “uğurlar”dan danışıb. O, xüsusilə, Dağlıq Qarabağ və Kəlbəcəri Ermənistanla birləşdirən yeni Ağdərə-Basarkeçər yolundan və rayon ərazisində kiçik su elektrik stansiyalarının tikintisindən danışıb.
P.S. Kəlbəcərdəki erməni “seçici”lərlə görüşdə Azərbaycan tərəfdən müharibə təhlükəsi haqda bir kəlmə də danışılmayıb. Görünür, bizim fərasətimizə yaxşı bələddirlər. Bilirlər və arxayındırlar ki, biz 25 ildir, yarımçıq saxlanılmış Aprel döyüşünü çıxmaq şərti ilə ancaq sözdə asıb-kəsirik və hələ də lazımı gözləyirik... Odur ki, arxayınca “seçki”lərə hazırlaşırlar...