“Barselona”da 5 illik müqavilə

"Barselona" yarımmüdafiəçisi Serxio Busketslə müqavilənin müddətini uzadıb.

Qol.az-ın klubun rəsmi saytına istinadən verdiyi məlumata görə, 27 yaşlı futbolçu ilə 5 illik müqavilə imzalanıb.

Klub rəhbərliyi 2021-ci ilə qədər Kataloniya təmsilçisinin şərəfini qoruyacaq Busketsin təzminat qiymətini də yüksəldib. İspaniya millisinin üzvünü transfer etmək istəyən klublar 200 milyon avrosundan keçməli olacaq.

Qeyd edək ki, "Barselona"nın yetirməsi olan Busketslə İngiltərənin "Mançester Siti" klubu yaxından maraqlanır.