"Real Madrid"də bir dövrün sonu: Əfsanəvi kapitan komanda ilə vidalaşır

"Real Madrid" klubunun müdafiəçisi Daniel Karvaxal komandanı tərk edir.

Oxu.Az xəbər verir ki, bu barədə klubun mətbuat xidməti məlumat yayıb.

34 yaşlı cinah müdafiəçisinin Madrid təmsilçisi ilə müqaviləsinin müddəti 2026-cı ilin yayında başa çatır.

Bəyanatda vurğulanır: "Real Madrid" klubu Daniel Karvaxala və onun ailəsinə həyatının yeni mərhələsində ən xoş arzularını bildirir".

Qeyd edək ki, Karvaxal Madrid "Real"ının öz yetirməsidir. "Kral Klubu"nun hazırkı kapitanı 2013-cü ilin yayından etibarən komandanın şərəfini qoruyub. Cari mövsümdə futbolçu bütün turnirlərdə ümumilikdə 22 oyunda meydana çıxıb. O, "Real"ın forması ilə 450 matçda meydana çıxıb, 14 qolla yadda qalıb.