“Qarabağ”ın Çempionlar Liqasındakı potensial rəqibləri

“Qarabağ”ın Çempionlar Liqasının III təsnifat mərhələsindəki potensial rəqibləri açıqlanıb.
Korrupsiya-q.az xəbər verir ki, “Qarabağ” II təsnifat mərhələsində qarşılaşacağı İrlandiyanın “Dandok” klubunu keçərsə, APOEL (Kipr) – “Sutyeska” (Monteneqro) cütünün qalibi ilə qarşılaşacaq.
Əgər Ağdam klubu irlandlara qalib gəlsə, sözügedən cütün qalibi ilə ilk matç səfərdə baş tutacaq. III təsnifat mərhələsində ilk oyunlar 6-7 avqustda, cavab matçları 13 avqustda olacaq.
“Qarabağ” İrlandiya klubuna uduzub Avropa Liqasında çıxışını davam etdirsə, bu zaman da Ağdam komandasının potensial rəqibləri bəllidir. “Qarabağ”ı Avroliqanın III təsnifat mərhələsində “Slovan” (Slovakiya) – “Ferronikeli” (Kosovo) cütünün qalibi ilə matç gözləyir.
Qeyd edək ki, Avropa Liqasında III təsnifat mərhələsinin ilk oyunları avqustun 8-də, cavab matçları avqustun 15-də keçiriləcək. [xfgiven_embed] [/xfgiven_embed] [xfgiven_youtube][/xfgiven_youtube]