Azərbaycan Qida Təhlükəsizliyi Agentliyinin (AQTA) əməkdaşları tərəfindən monitorinqlər çərçivəsində Bakı şəhəri, Binəqədi rayonu, Binəqədi şosesi, 7-ci döngə ünvanında yerləşən anbarda reyd keçirilib.
AQTA-dan verilən məlumata görə, reyd zamanı “LV Standart” MMC tərəfindən idxal olunan “Goldenline” əmtəə nişanlı bitki-kərə spredlərinin Yaqubov Natiq Şaqaim oğlu tərəfindən 800 qram və 1 kq-lıq hissələrə bölünərək, “Goldenline slivoçnoe" əmtəə nişanlı kərə yağı kimi etiketlənərək ticarət şəbəkələrinə satılması faktı aşkar edilib. Eyni zamanda, yağların üzərində istehlak xüsusiyyətinin əksini tapmadığı və qablaşdırılan məhsulun üzərində bitki yağı olması ilə bağlı heç bir məlumatın yazılmadığı müəyyən olunub.
Anbarda xammal kimi 670 kq, “Goldenline” əmtəə nişanı adı altında etiketlənərək kərə yağı kimi qablaşdırılan 315 kq yağ müəyyən edilib. Məhsullardan götürülən nümunələr ekspertizadan keçirilməsi üçün Qida Təhlükəsizliyi İnstitutunun müvafiq labortoriyalarına təqdim olunub.
Aşkarlanan faktlar əsasında Qida Təhlükəsizliyi Agentliyinin əməkdaşları tərəfindən bitki yağ spredinin kərə yağı kimi etiketlənməsinin həyata keçirildiyi anbarın fəaliyyəti məhdudlaşdırılıb və kərə yağ adı altında etiketlənən məhsulların satışının qarşısı alınıb.
Faktla bağlı araşdırmalar davam etdirilir.
“Bizim Market”də 12 ton saxta kərə yağı aşkarlandı - FOTO
Saxta kərə yağı istehsal edən daha bir müəssisənin fəaliyyəti məhdudlaşdırıldı
Qoşqar Təhməzli “Bizim Market”də 12 ton saxta yağ aşkarlanmasından danışdı: “Bu, cinayət faktıdır”
“Yalandan deyirlər ki, kərə yağıdır” - VİDEO
HƏQİQİ KƏRƏ YAĞINI SAXTASINDAN AYIRMAĞIN ÜSULLARI
