Yanacağın bahaşlaşması məhsulların qiymətinə nə dərəcədə təsir edib?

2021-ci ilin yanvar ayında qeyri-ərzaq məhsulları üzrə istehlak qiymətləri indeksi əvvəlki aya nisbətən 102,5 faiz təşkil edib.
Oxu.Az-ın Dövlət Statistika Komitəsindən əldə etdiyi məlumata əsasən, istehlak səbətinə daxil olan qeyri-ərzaq məhsullarının dəyəri əvvəlki ayla (2020-ci ilin dekabr ayı) ilə müqayisədə 2,5 faiz artıb.
Bildirilib ki, 2021-ci ilin yanvar ayında qeyri-ərzaq məhsulları üzrə istehlak qiymətləri indeksinin artması Aİ-92 markalı avtomobil benzininin və dizel yanacağının pərakəndə satış qiymətlərinin artırılması ilə əlaqədardır.
Qeyd edilib ki, qeyri-ərzaq məhsulları üzrə istehlak qiymətləri indeksinin artması pambıq parçaların, yağlı və sulu boyaların, divar kağızlarının, kəsilmiş taxtanın, kərpicin, sementin, soyuducuların, paltaryuyan maşınların, kondisionerlərin, tozsoranların, televizorların, notbukların və zərgərlik məmulatlarının qiymətlərində bahalaşmanın müşahidə olunması ilə bağlı olub.
Əlavə edilib ki, digər qeyri-ərzaq məhsullarının qiymətlərində ciddi dəyişikliklər baş verməyib.
2021-ci ilin yanvar ayında əhaliyə göstərilmiş ödənişli xidmətlər üzrə istehlak qiymətləri indeksi əvvəlki aya nisbətən 100 faiz təşkil edib. Yəni, ödənişli xidmətlərin istehlak dəyəri sabit olaraq qalıb. [xfgiven_embed] [/xfgiven_embed] [xfgiven_youtube][/xfgiven_youtube]