Neftin qiyməti 160 dollar olacaq – OPEC

Neftin bir barelinin nominal dəyəri 2040-cı ildə 160 dollar olacaq. Dünyada neftə olan tələbat 20 faiz artacaq.
"Korrupsiya və Qanun" saytı AzVision.az a istinadən xəbər verir ki, bu barədə Neft İxrac Edən Ölkələr Birliyinin (OPEC) hesabatında bildirilir.
Hesabatda vurğulanır ki, beş ildən sonra neftin bir barelinin qiyməti 80 dollar ola bilər. Karbohidrogenlərə artan tələbatla əlaqədar olaraq OPEC bu sahəyə 10 trilyon dollar həcmində vəsaitin yatırılacağını gözləyir. Bunlardan 7,2 trilyon neft hasilatı, qalan məbləğ isə neft emalı və bu növ məhsulların daşınmasına xərclənəcək.
İnvestisiyaların böyük həcmi OPEC-ə üzv olmayan ölkələrin payına düşəcək. Qurumun fikrincə, bu ölkələrə təxminən 250 milyard dollar vəsait yatırılacaq.
Qeyd edək ki, London birjasında keçirilmiş hərraclarda "AzeriLight" markalı neftin bir barelinin qiyməti 0,22 dollar və ya 0,60% artaraq 36,93 dollar təşkil edib.