Azərbaycanda minimum əməkhaqqı 116 faiz artıb

2018-2020-ci illərdə minimum əməkhaqqı 116 faiz artaraq 250 manat olub.

Bu barədə Əmək və Əhalinin Sosial Müdafiəsi Nazirliyinin 3 illik hesabatında məlumat verilib.

Hesabatda bildirilib ki, bu dövr ərzində median əməkhaqqı isə 66 faiz artaraq 343 manat olub.

Bu illər ərzində aylıq əməkhaqqı fondu 81 faiz artıb. Eləcə də bu artım dövlət sektoru üzrə 76 faiz, özəl sektor üzrə 87 faiz olub.

Qeyd edilib ki, xalis minimum əməkhaqqının xalis orta aylıq əməkhaqqına nisbəti 38 faiz artıb.