Bakıda bayram çadırları fəaliyyətə başladı

“Bakıda Novruz bayramı ilə bağlı yarmarkalar üçün quraşdırılan çadırlar fəaliyyətə başlayıb”.
Korrupsiya və Qanun saytı xəbər verir ki, bu barədə Trend-ə Bakı Şəhər İcra Hakimiyyəti Xidmət və Ticarət Departamentinin mətbuat xidmətinin rəhbəri Əlabbas Bağırov məlumat verib.
Onun sözlərinə görə, metro stansiyalarının qarşısında quraşdırılan yarmarka çadırlarında satışlara start verilib: “Artıq 10 yarmarka çadırı quraşdırılıb. Hazırda həmin yarmarkalarda bayram məhsullarının satışı başlanıb”.
Ə.Bağırov bildirib ki, yarmarka çadırları metronun “Elmlər Akademiyası”, “İnşaatçılar”, “28 May”, “Nəriman Nərimanov” və “Neftçilər” stansiyalarının qarşısında qurulub:
“Ehtiyac olacağı təqdirdə, bayram ərəfəsində çadırların sayı artırılacaq”.
Qeyd edək ki, bayram çadırlarında məhsulların satış qiymətləri bazar qiymətindən ucuz olacaq [xfgiven_embed] [/xfgiven_embed] [xfgiven_youtube][/xfgiven_youtube]