"Mənim banka 950 manat borcum var idi. Artıq 1 ildir ki, ödəyə bilmirəm, borc 2 qatına çatıb. Banka gedib bildirdim ki, aylıq ödənişi azaldın, yavaş-yavaş ödəyim, razılığa gəlmədilər. İcra şöbəsinə gedib vəziyyətim haqqında məlumat vermişəm. Boşanmışam, öhdəliyimdə azyaşlı uşaq var, aliment alıram. İş məhkəməyə getsə, banka olan borcumu uşağın alimentindən kəsə bilərlər? İkinci sualım məhkəməyə verilsəm, faizləri sildirə bilərəm?"
Nuray Kərimova adlı oxucumuz bu suallarla redaksiyamıza müraciət edib. Məsələyə bank hüquqşünası vasitəsilə aydınlıq gətirməyə çalışdıq. Banklardan birində hüquqşünas olaraq çalışan Mehran Əmirli Femida.az-a bildirdi ki, bu cü hallar İcra haqqında qanuna əsasən tənzimləndiyini bildirdi:
“Borc tələbinin alimentə yönəldilməsi məsələsi Azərbaycan Respublikasının İcra haqqında Qanununun 68-ci maddəsi ilə tənzimlənir. Həmin maddəyə görə, tələb borcluya aliment öhdəlikləri üzrə ödənilən məbləğlərə yönəldilə bilməz. Buna görə də, borcun alimentə yönləndirilməsi mümkün deyil. Borc yalnız rəsmi əmək haqqına yönləndirilə bilər və bu yönləndirilmə əmək haqqı məbləğinin 50 faizindən çox ola bilməz.
Faizlər isə kredit müqaviləsinə zidd olaraq hesablanmışsa, məhkəmə-mühasibatlıq ekspertizasının rəyi əsasında məhkəmə tərəfindən artıq hesablanan məbləğlər silinə bilər. Müqaviləyə uyğun olaraq hesablanmış faizlər silinmir".
Hüquqşünasın sözlərinə görə, cərimə borcları və ya dəbbə pulu məhkəmə tərəfindən azaldıla bilər:
"Belə ki, Azərbaycan Respublikasının Mülki Məcəlləsinin 467-ci maddəsinə görə, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır".
Bankların kreditə görə faiz alması qanunsuzdur
“1200 dolları ödəməsəm, bank məhkəməyə verəcək” - Şəhid atası
Borcu olanların ölkədən getməsi məhdudlaşdırıla bilər
Kredit borcu olanlar ölkədən çıxa bilməyəcək?
Boşanmadan da aliment almaq mümkündür
