Azərbaycan İdeyası

79 dövlət əmlakı özəlləşdirilir - FOTO

Tarix:8-10-2018, 13:31
Baxış Sayı:252

   79 dövlət əmlakı özəlləşdirilir - FOTO


Əmlak Məsələləri Dövlət Komitəsinin özəlləşdirilmə üzrə keçirdiyi hərraclarda hər kəs rahatlıqla əmlak sahibi ola bilər. İstənilən vətəndaşın olduğu məkandan hərraca onlayn qoşulmaq imkanı operativliyi təmin edərək özəlləşdirməni sürətləndirir. Müxtəlif çeşidli dövlət əmlaklarının qiymət, ərazi və faydalılıq baxımından cəlbediciliyi vətəndaşların prosesdə iştirak marağını artırır. Bunun nəticəsində də hərraclarda rəqabət müşahidə olunur və özəl sektorda yeni müəssisələrin sayı artır.
Korrupsiya-q.az xəbər verir ki, komitə tərəfindən növbəti hərraclardan biri 6 noyabr tarixində baş tutacaq. Bu dəfə prosesə ümumilikdə 79 dövlət əmlakı çıxarılıb. Onlardan 17-si səhmdar cəmiyyəti, 33-ü kiçik dövlət müəssisə və obyekti, 23-ü qeyri-yaşayış sahələri, 6-sı nəqliyyat vasitəsidir.
Özəlləşməyə çıxarılan səhmdar cəmiyyətləri respublikanın müxtəlif şəhər və rayonlarında yerləşir. İnvestorlar kənd təsərrüfatı, təmir-tikinti, sənaye və digər sahələrə aid olan bu səhmdar cəmiyyətlərinin 30-45%-lik səhm paketləri üzrə hərracda iştirak edə bilər.







Ümumi faydalı sahəsi 12 kv.m ilə 11 min 266 kv.m aralığında olan kiçik dövlət müəssisə və obyektləri sərmayəçilər üçün yaxşı gəlir mənbəyidir. Onlardan biri Şəki rayonu, Şorsu kəndindəki Əmlak kompleksidir. Geniş torpaq ərazisi ilə birgə özəlləşdiriləcək obyektin ümumi faydalı sahəsi 2 min 889 kv.m-dir. Biznes fəaliyyəti üçün əlverişli ola biləcək digər dövlət müəssisəsi Oğuz rayonu, Kərimli kəndində yerləşir. Bu Anbar kompleksinin ümumi faydalı sahəsi 3 min 101 kv.m-dir.
Hərraca çıxarılan qeyri-yaşayış sahələrindən 12-si Bakıda, 4-ü Sumqayıtda, digərləri isə Gəncə, Ağdaş və Daşkəsəndə yerləşir. Bu kateqoriyadan olan dövlət əmlaklarının ümumi faydalı sahəsi 5,8 kv.m ilə 287,9 kv.m intervalındadır. Sumqayıt şəhəri, 18-ci mikrorayon, bina 1 ünvanındakı qeyri-yaşayış sahəsinin ümumi faydalı sahəsi 29.3 kv.m-dir. Bu dövlət əmlakından ictimai iaşə və ya ofis obyekti kimi istifadə etmək olar. Özəlləşməyə çıxarılan Qaz, Kamaz və Fiat markalarına aid nəqliyyat vasitələrinin buraxılış tarixləri 1995-2007 illərdir.
Prosesdə iştirak etmək istəyən şəxslər komitənin saytı (emdk.gov.az) və Özəlləşdirmə portalındakı (privatization.az) siyahıdan seçim edərək dövlət əmlaklarını sifariş verə bilər. Şəffaflığın təmin olunduğu hərraclarda təyin olunan vaxtda sifarişçilərlə bərabər, ziyarətçilərin də iştirak imkanı mövcuddur.
Qeyd edək ki, Əmlak Məsələləri Dövlət Komitəsi tərəfindən sabah növbəti hərrac keçiriləcək. Budəfəki hərraca ümumilikdə 67 dövlət əmlakı çıxarılıb. Onlardan 17-si səhmdar cəmiyyəti, 33-ü kiçik dövlət müəssisə və obyekti, 17-si qeyri-yaşayış sahəsidir. Komitə investorları, mülkiyyət sahibi olmaq istəyən bütün şəxsləri, eləcə də ziyarətçiləri hərraclarda iştirak etməyə və prosesi izləməyə dəvət edir.

OXŞAR XƏBƏRLƏR
14 dərəcəyədək şaxta var
14 dərəcəyədək şaxta var
Bu gün avtobuslar saat 21:30-dək işləyəcək
Bu gün avtobuslar saat 21:30-dək işləyəcək
Hazırda qar yağan rayonlar - FAKTİKİ HAVA
Hazırda qar yağan rayonlar - FAKTİKİ HAVA
Bakıya qar yağacaq, yollar buz bağlayacaq - Xəbərdarlıq
Bakıya qar yağacaq, yollar buz bağlayacaq - Xəbərdarlıq
İnzibati Xətalar Məcəlləsində dəyişiklik - Yeni cərimələr qüvvəyə mindi
İnzibati Xətalar Məcəlləsində dəyişiklik - Yeni cərimələr qüvvəyə mindi
"Bu hakerlərin ən çox istifadə etdiyi yoldur" - AÇIQLAMA
"Bu hakerlərin ən çox istifadə etdiyi yoldur" - AÇIQLAMA
Bu metroların adları dəyişdirilir - Seçim belə olacaq
Bu metroların adları dəyişdirilir - Seçim belə olacaq
Prezident Administrasiyasında hüquq-mühafizə orqanları tərəfindən baş vermiş cinayət faktlarını gizlətmək məqsədiylə illərlə davam edən süründürməçilik variantından istifadə edilməsi həmin cinayət hadisələrindən minlərlə zərərçəkən vətəndaşların günd
Prezident Administrasiyasında hüquq-mühafizə orqanları tərəfindən baş vermiş cinayət faktlarını gizlətmək məqsədiylə illərlə davam edən süründürməçilik variantından istifadə edilməsi həmin cinayət hadisələrindən minlərlə zərərçəkən vətəndaşların günd