Sığortaolunanların sayı artıb

Fərdi şəxsi hesabı olan sığortaolunanların sayı son statistikaya əsasən xeyli yüksəlib.
"Korrupsiya və Qanun" qəzetinə istinadən Dövlət Sosial Müdafiə Fondundan Axar.az-a verilən məlumata görə, noyabr ayının 1-nə olan statistikaya əsasən, Fond tərəfindən oktyabr ayında əlavə olaraq 16.147 sığortaolunana fərdi şəxsi hesab açılıb. İlin əvvəli ilə müqayisədə Dövlət Sosial Müdafiə Fondunun fərdi uçot sistemində qeydiyyatda olan sığortaolunanların sayı 5,92 faiz artıb.
Azərbaycanda fərdi şəxsi hesabı olan sığortaolunanların sayı 3.152.503 nəfərə yüksəlib. DSMF-nin fərdi uçot sistemində qeydiyyatda olan sığortaolunanların 1.865.815 nəfəri kişi, 1.286.688 nəfəri isə qadındır.
Fərdi şəxsi hesabı olanlar arasında 30-40 yaş aralığında olan sığortaolunanlar üstünlük təşkil edir. Göstərilən yaş kateqoriyalarına aid olan şəxslər ümumi sığortaolunanların 788.890 nəfərini əhatə edir. Bundan başqa, fərdi uçot sistemində qeydiyyatda olan sığortaolunanların 669.702 nəfəri 30 yaşa kimi olan şəxslər, 647.223 nəfəri 40-50 yaş aralığında olan şəxslər, 667.033 nəfəri 50-60 yaş aralığında olan şəxslər, 379.655 nəfərini isə 60 yaşdan yuxarı olan şəxslər təşkil edir. [xfgiven_embed] [/xfgiven_embed] [xfgiven_youtube][/xfgiven_youtube]