Deputatlar Kamran Əliyevin Baş prokuror vəzifəsinə təyinatına “HƏ” dedi

Milli Məclisdə Baş prokurorun təyin olunması məsələsi səsverməyə çıxarılaraq qəbul edilib
Milli Məclisin bu gün keçirilən iclasında “Azərbaycan Respublikasının Baş prokuroru vəzifəsinə təyin olunmasına razılıq verilməsi haqqında” məsələyə baxılıb.
AYNA xəbər verir ki, Prezident İlham Əliyev Baş prokuror vəzifəsinə Azərbaycan Respublikası Baş Prokurorunun müavini, Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsinin rəisi, II dərəcəli dövlət ədliyyə müşaviri Kamran Əliyevin namizədliyini irəli sürüb.
Məsələ Milli Məclisdə səsverməyə çıxarılaraq qəbul edilib.