Azərbaycan Mətbuat Şurasının sədri Əflatun Amaşov və Şuranın Ahıl Jurnalistlər Məclisinin üzvləri 8 Mart Beynəlxalq Qadınlar Günü ərəfəsində 75 yaşı tamam olan veteran jurnalist Mənsurə Mənsurova-Əfəndiyevanı yaşadığı mənzilində ziyarət ediblər.
APA-nın məlumatına görə, ziyarət zamanı MŞ sədri Əflatun Amaşov Şuranın ahıl jurnalistlərlə bağlı gerçəkləşdirdiyi “Ahıl jurnalistlərə qayğı: keçmişimizə ehtiram gələcək üçün təcrübə qaynağımızdır” layihəsi barədə məlumat verib. Bildirib ki, peşəkar fəaliyyəti məhdudlaşmış, xüsusi diqqətə ehtiyacı yaranmış veteran jurnalistlərə qayğı göstərilməsini nəzərdə tutan layihənin davamlılığı üçün başlıca səbəb gənc nəslin yaşlı qələm sahiblərinin örnək mahiyyət daşıyan həyat yolu barədə daha məlumatlı olmasına duyulan ehtiyacdır.
Sonra Ə. Amaşov uzun illər ölkə nəşriyyatlarında səmərəli fəaliyyət göstərmiş M. Mənsurova-Əfəndiyevaya Mətbuat Şurasının diplomunu təqdim edib.
Xatırladaq ki, M. Mənsurova-Əfəndiyeva 1962-1994-ci illərdə “Elm” nəşriyyatında və “Azərnəşr”də yüzlərlə kitabın redaktoru, elmi-populyar mövzularda bir sıra kitabların tərcüməçisi və tərtibçisi olub.
Avropa Parlamenti önündə Xocalı mitinqi
Gürcüstana hamıdan çox biz gedirik
Azərbaycan XİN sözçüsü BDU-da tələbə-jurnalistlərə mühazirə oxuyub 05 Fevral, 2015 17:27
Millətin elçisi, əsgəri, vəkili...
BANM-də Beynəlxalq qadınlar günü qeyd olundu
