Naxçıvan Muxtar Respublikası (MR) Ali Məclisinin sədri Vasif Talıbov Naxçıvan MR Ədliyyə Nazirliyinin Məhkəmə Ekspertizası Mərkəzinin yaradılması haqqında fərman imzalayıb.
"Korrupsiya və Qanun" qəzeti “Report”-a istinadən xəbər verir ki, fərman məhkəmə ekspertizası sahəsində idarəetmənin təkmilləşdirilməsi məqsədi ilə verilib.
Sənədə əsasən, Ədliyyə Nazirliyinin Məhkəmə Ekspertizası Mərkəzinin Naxçıvan Filialının əsasında Naxçıvan Muxtar Respublikası Ədliyyə Nazirliyinin Məhkəmə Ekspertizası Mərkəzi yaradılıb.
Fərmanla “Naxçıvan Muxtar Respublikası Ədliyyə Nazirliyinin Məhkəmə Ekspertizası Mərkəzi haqqında Əsasnamə” də təsdiq edilib.
Naxçıvan Muxtar Respublikasının Nazirlər Kabinetinə bu fərmandan irəli gələn məsələləri həll etmək tapşırılıb.
Prezident İlham Əliyev TQDK ilə bağlı sərəncam imzaladı
Prezident İlham Əliyev Sabunçu Məhkəmə Kompleksinin açılışında iştirak edib
Prezident icra hakimiyyətləri ilə bağlı qərar qəbul etdi
İlham Əliyev MTN-in strukturunu dəyişdi
Azərbaycanda şəxsiyyət vəsiqələri istirahət günlərində də veriləcək
