Araz Əlizadə-İqbal Ağazadə dairəsi – Son dəqiqə

35 saylı Xətai III Seçki Dairəsində bu saata qədər 6 məntəqənin nəticələri açıqlanıb.
"Korrupsiya və Qanun" qəzeti Mərkəzi Seçki Komissiyasının saytına istinadla xəbər verir ki, Azərbaycan Sosial Demokrat Partiyasının (ASDP) sədri Araz Əlizadə 1817 səslə liderdir.
Ümid Partiyasının sədri İqbal Ağazadə isə 1078 səslə ikinci yerdədir. Bu nəticə hələlik 6 məntəqə üzrə qeydə alınıb. Digər 27 məntəqədə isə səslər hesablanmayıb.
Qeyd edək ki, MSK sədri Məzahir Pənahov bütün məntəqələrdə seçkilərin baş tutduğunu, seçici fəallığının 55,7 faiz olduğunu bildirib.
124 dairədə liderlik edənlər açıqlansa da, yalnız sözügedən dairənin nəticələri barədə heç bir söz deyilməyib. Son nəticə ilə MSK-nın rəsmi saytında tanış ola bilərsiniz.