Əliyev Davutoğlunu təbrik etdi

Azərbaycan prezidenti İlham Əıiyev Türkiyənin baş naziri Zati-aliləri Əhməd Davudoğluna təbrik məktubu göndərib.
"Korrupsiya və Qanun" qəzetinin məlumatına əsas olaraq, “Qafqazinfo” xəbər verir ki, prezident baş naziri sədri olduğu partiyanın seçkilərdə qalib gəlməsi münasibəti ilə təbrik edib: “Rəhbərlik etdiyiniz Ədalət və İnkişaf Partiyasının Türkiyə Böyük Millət Məclisinə seçkilərdə qazandığı inamlı qələbə münasibətilə Sizə ən səmimi təbriklərimi yetirirəm.
Seçkilərin nəticələri Türkiyə cəmiyyətinin sabitliyə, əmin-amanlığa və inkişafa dəstəyinin və milli iradəsinin parlaq təzahürüdür.
Əminəm ki, zamanın sınaqlarından çıxmış strateji tərəfdaşlıq əlaqələrimiz və müstəsna xarakter daşıyan münasibətlərimiz xalqlarımızın rifahı və ölkələrimizin maraqlarına uyğun olaraq bundan sonra daha da genişlənəcək və möhkəmlənəcəkdir.
Zəfər sevincinizi Sizinlə bölüşür, Sizə, Ədalət və İnkişaf Partiyasının bütün üzvlərinə uğurlar diləyirəm”.
[xfgiven_embed] [/xfgiven_embed] [xfgiven_youtube][/xfgiven_youtube]