Xalq artisti ölkəni həmişəlik tərk etdi

Uzun müddətdir ki, Türkiyədə qızının yanında yaşayan Xalq artisti, tanınmış aktrisa Kubra Əliyeva Azərbaycana qayıdıb.
Korrupsiya və Qanun saytı Yenicag.az-a istinadla xəbər verir ki, aktrisa yenidən geri qayıdacağını deyib.
“Azərbaycana əzizlərimi görmək üçün gəldim. Nəvələrimlə görüşdüm. Sabah Gəncəyə – valideynlərimin, qardaşlarımın qəbrini ziyarət etmək üçün gedəcəyəm. Sonra yenidən Türkiyəyə qayıdacağam. Artıq Bodrumun Milas şəhərində ev almışam, qızımla, nəvəmlə orda yaşayacağam. Oranın havası mənə düşür, özümü razhat hiss edirəm. Ara-sıra Azərbaycana da gələcəyəm”.
Aktrisa səhhəti ilə bağlı bunları deyib:
“Özümü yaxşı hiss edirəm, amma mütəmadi olaraq, müayinələrə gedirəm. 7 ildir ki, bu xəstəliklə mübarizə aparıram. Hələ ki, babatam, hər şey Allahın əlindədir. Nə vaxta qədər ömür yazıbsa, o vaxta qədər yaşayacağam”.
Xalq artisti səhnəyə qayıtmayacağını da deyib:
“42 il səhnədə can qoydum, indi xəstəliyimlə bağlı səhnəyə çıxmıram. Heç səhnəyə çıxmaq fikrim də yoxdur, çünki səhhətimi qorumalıyam, indi o halda deyiləm. Onu da deyim ki, Bakıda sənət dostum Telman Əliyevin və gözəl sənətkarımız Qəndab Quliyevanın ölüm xəbərini eşidib, çox sarsıldım”.
Qeyd edək ki, Kubra Əliyeva xərçəng xəstəliyindən əziyyət çəkir. [xfgiven_embed] [/xfgiven_embed] [xfgiven_youtube][/xfgiven_youtube]