Optikalarda göz müayinəsi - Düzgündür?

Şəhərdə bəzi apteklərdə gözün zəifliyini yoxlayıb, eynək təyin edirlər. Həkimlər isə bununla bağlı xəbərdarlıq edir. Ciddi həkim müayinəsi olmadan eynək almaq sağlamlığınız üçün təhlükəlidir.
Bir sıra apteklərdə daha dəqiq desək optik eynəklərin satış yerlərində həkim resepti olmadan insanların gözləri yoxlanılır və onlara eynək təyin edilərək satılır. Bunun üçün görməni yoxlamaq üçün xüsusi aparatdan istifaə olunur.
Əslində isə eynəyin bu cür təyin edilib müştəriyə verilməsi düzgün deyil. Həkimlərin sözlərinə görə eynəyin təyin olunması bir proseslə tamamalanmır. Çünki bir necə xəstəliklər varki ,bu xəstəliklər gözdə zəyiflik kimi özünü biruzə verir.
Doğrudur belə aparatlar gözün zəiflik dərəcəsini təyin edirlər. Lakin keçilməsi vacib olan digər prosedurlar nəticəsində tam olaraq gözün görmə faizi müəyyənləşir. Bundan əlavə müalicə prosesində xəstənin yaşından tutmuş zəifliyin inkişaf tempi və digər bir çox məsələlər nəzərə alınır. Bunlari isə həmin aparatla müəyyən etmək mümkün deyil.
Qeyd edək ki, apteklərdə bu aparatlarla gözün müayinəsinin qiyməti 5-10 manat arasında dəyişir.