Oktyabrın 15-i gün ərzində və 16-na keçən gecə ərzində Ermənistan silahlı qüvvələrinin 18-ci motoatıcı diviziyasının müdafiə zolağında hərbi qulluqçular və ehtiyatdan çağırılmış hərbi vəzifəlilər arasında kütləvi şəkildə fərarilik halı qeydə alınıb.
Bu barədə Azərbaycanın Müdafiə Nazirliyinin yaydığı məlumatda bildirilir.
Qeyd edilib ki, bunun qarşısını almaq məqsədilə Ermənistan rəhbərliyi Gorus və Turşsu yaşayış məntəqələrinin avtomobil yollarında hərbi polisin komendant postlarını qurub.
5-ci dağatıcı alayın müdafiə zolağında mövqe tutan şəxsi heyət arasında xeyli sayda ölən və yaralanan var. Alayın bölmələrində ərzaq və döyüş sursatı çatışmır.
10-cu alayın müdafiə zolağına könüllüləri daşıyan avtomobil texnikasının vurulması nəticəsində ölən və yaralanan var. Geri çəkilən düşmən, xeyli sayda avtomobil və zirehli texnikanı mövqedə buraxaraq qaçıb.
9-cu motoatıcı alayın müdafiə zolağında artilleriya batareyası məhv edilib, alay komandirinin müavini isə yaralanıb.
Dağlıq Qarabağ ərazisinə gələn muzdluların bir qisminin döyüşə girməkdən imtina etməsi məlum olub.
Qoşunlarımız bütün cəbhə boyu əməliyyat üstünlüyünü saxlayır.
[xfgiven_embed] [/xfgiven_embed]
[xfgiven_youtube][/xfgiven_youtube]
Erməni işğalçıları pusquya salınıb məhv edildi: Düşmən qaçır - RƏSMİ
Düşmən mövqelərimizə basqın etməyə cəhd göstərib - RƏSMİ
MN: Düşmənin 1 tankı, 10 nəfərədək şəxsi heyəti məhv edilib – VİDEO
Düşmən yaşayış məntəqələrimizi atəşə tutmaqda davam edir: ölən və yaralananlar var
Düşmən Ağdamda yaşayış məntəqələrimizi atəşə tutdu
