Usubov kollegiya iclası keçirdi

Azərbaycan Daxili İşlər Nazirliyində (DİN) 2015-ci ilin yekunlarına həsr edilmiş geniş kollegiya iclası keçirilib.
Report "Korrupsiya və Qanun" satına əsasən xəbər verir ki, Daxili İşlər naziri, general-polkovnik Ramil Usubovun sədrliyilə keçirilən iclasda kollegiya üzvləri, baş idarə, idarə və xidmət rəisləri, məsul əməkdaşlar, Azərbaycanın bütün şəhər və rayon polis idarə, şöbə və bölmələrinin rəisləri iştirak ediblər.
Tədbirdə hesabatlar dinlənilib. İclasda 2015-ci ildə ölkədə cinayətkarlıqla mübarizə, ictimai qaydanın qorunması və ictimai təhlükəsizliyin təmin edilməsi, mülkiyyət əleyhinə olan cinayətlərin qarşısının alınması sahəsində görülən tədbirlər, həmçinin, 2016-cı ildə görüləcək işlər, qarşıda duran vəzifələr müzakirə olunub.