Azərbaycan İdeyası

"Azərsu"nun Səbaildə su alveri: evlərə su verilmir, maşınlar 30 manata satır

Tarix:30-06-2016, 19:30
Baxış Sayı:833

"Azərsu"nun Səbaildə su alveri: evlərə su verilmir, maşınlar 30 manata satır
Səbail rayonunun Batamdar qəsəbəsində içməli su qıtlığı yaranıb. Bu barədə Qaynarinfo.az-a qəsəbə sakinləri məlumat verib.

Sakinlər bildirib ki, gün ərzində qəsəbəyə bəzən 10 dəqiqə, bəzən yarım saat su verilir. Şikayət edənlərə isə yay ayları olduğunda su qıtlığı yarandığı və fasilələrin bu səbəbdən olduğu bildirilir.

Çarəsiz qalan Batamdar sakinləri suyu pulla almalı olur. Belə ki, 5 tonluq maşınlar suyu 30 manata gətirir. Bina evlərində 2-3 qonşu birləşib bir maşın su alır, həyət evlərində yaşayanlar isə 30 manatı təkbaşına ödəməli olur.

Qısa araşdırmalar zamanı məlum oldu ki, əslində Bakıda su qıtlığı yoxdur. Amma problem bilərəkdən yaradılır. Sakinlərin bildirdiyinə görə, "Azərsu" ASC-nin 20-ci sahə yaşayış massivində Səbail rayonunu su ilə təmin edən anbarı var. Burda sakinləri təmin etmək üçün kifayət qədər su ehtiyatı mövcuddur. Amma Batamdar və digər qəsəbələrin təminatında qəsdən fasilələr yaradılar ki, vətəndaşlar suyu pulla alsın. Bizə məlumat verən mənbə bildirir ki, sakinlərə pulla satılan su məhz "Azərsu"nun 20-ci sahədəki anbarından daşınır.

Su qıtlığı varsa və məhz buna görə yayın istisində insanlar bu problemi yaşayırsa, anbardan çıxarılan və 30 manata satılan içməli su hardan gəlir? Necə olur ki, maşınlar satmağa su tapır, amma "Azərsu" vətəndaşları sussuz qoyub?

Bəs bu biznesin arxasında kimlər dayanır? Təbii ki, suyun anbardan çıxarılaraq insanlara satılması birbaşa "Azərsu" rəhbərliyinin nəzarəti altında baş verir. Çürki bu boyda cinayəti etməyə rəhbərliyin razılığı və icazəsi olmadan heç kimin cəsarəti çatmaz.

OXŞAR XƏBƏRLƏR
Həyət evi olanların nəzərinə: sentyabrın 1-dən...
Həyət evi olanların nəzərinə: sentyabrın 1-dən...
Sabah daha 3 itkin-şəhid dəfn olunacaq
Sabah daha 3 itkin-şəhid dəfn olunacaq
Beyləqan səhiyyəsinə ağır itki üz verib - FOTO
Beyləqan səhiyyəsinə ağır itki üz verib - FOTO
Suriyanın “Vətən” saytında Mehriban Əliyeva haqqında məqalə dərc olunub
Suriyanın “Vətən” saytında Mehriban Əliyeva haqqında məqalə dərc olunub
Sabah 39 dərəcə isti olacaq - PROQNOZ
Sabah 39 dərəcə isti olacaq - PROQNOZ
"Sədərək"dəki yanğına görə sahibkarlara dəymiş ziyanı kim ödəyəcək?
"Sədərək"dəki yanğına görə sahibkarlara dəymiş ziyanı kim ödəyəcək?
Gəncədə 29 yaşlı oğlan bıçaqlanıb,
Gəncədə 29 yaşlı oğlan bıçaqlanıb,
"Sədərək"də yanğın zamanı 12 nəfər tüstüdən zəhərlənib - YENİLƏNİB
"Sədərək"də yanğın zamanı 12 nəfər tüstüdən zəhərlənib - YENİLƏNİB