Borcu olanların ölkədən getməyi çətinləşdi

Məsələ parlamentdə müzakirəyə çıxarıldı.
Milli Məlisin bu gün keçirilən plenar iclasında "İcra haqqında" qanunda dəyişiklik edilməsi barədə məsələ müzakirə edilib.
"Korrupsiya və Qanun" qəzeti Modern.az-a istinadən xəbər verir ki, qanun layihəsi haqda danışan parlamentin Hüquq siyasəti və dövlət quruculuğu komitəsinin sədri Əli Hüseynli bildirib:
“İcra haqqında" qanuna əsasən, məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququ icra məmurunun əsaslandırılmış təqdimatı əsasında məhkəmənin qərarı ilə müvəqqəti məhdudlaşdırıla bilər”.
Dəyişikliklər borclunun ölkədən getmək hüququnun müvəqqəti məhdudlaşdırılmasının məhkəmə qərarları əsasında verilmiş icra sənədləri ilə yanaşı, həm də vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri əsasında da həyata keçirilməsini müəyyən etmək məqsədi ilə edilir.
Qanun layihəsi səsə qoyulub və qəbul edilib.