Ayaz Mütəllibov: “Dedim ki, Surət Hüseynova cinayət işi açın”

Surət Hüseynovu şəxsən tanımırdım. Amma bilirdim ki, Yevlaxda Yun Zavodunun direktorudur. Bir gün rəhmətlik daxili işlər naziri Məhəmməd Əsədov mənə zəng edərək bildirdi ki, Yevlaxda Yun Zavoduna ciddi nöqsanlar, çatışmamazlıqlar var. Cinayət işi açmaq istəyirik.
Bu fikirləri Azərbaycanın eks-prezidenti Ayaz Mütəllibov müsahibəsi zamanı deyib.
Mütəllibov fikirlərini davam etdirərək bildirib ki, daxili işlər naziri Məhəmməd Əsədova əgər nöqsan, yeyinti və cinayət tərkibli fəaliyyət varsa, cinayət işi açmağı tapşırıb:
“Əsədova dedim ki, buna görə, niyə mənə zəng edirsiniz? Əgər fakt və əsas varsa, cinayət işi açın. Bu sizin səlahiyyətinizdə olan məsələdir. Bildiyim qədərilə cinayət işi açıldı. Buna görə də, Surət Hüseynov məndən incik qaldı”.(Teleqraf.com)