“Ötən illə müqayisədə bu il daha çox məhsul bolluğu müşahidə olunur. Artıq daha çox məhsul istehsal olunur.”
"Korrupsiya və Qanun" qəzetinə isinadən “Qafqazinfo” xəbər verir ki, bu sözləri SalamNews-a açıqlamasında Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev deyib. KTN-nin nümayəndəsi meyvə tərəvəz bolluğundan və qiymətlərindən danışıb: “Bu il meyvə - tərəvəz çoxdur. Problem də yoxdur. Keçən ilin müvafiq dövrü ilə müqayisədə elə bir qiymət artımı yoxdur. Məsələn, hazırda kartofun kiloqramı 73 qəpiyə satılır. Dövlət Statistika Komitəsinin qiymət artımı ilə bağlı açıqlamaları müvəqqəti xarakter daşıyır. Hər ay bəzi ərzaq məhsullarının qiymətində yerdəyişmə müşahidə edilə bilər. Lakin hər-hansı məhsulların qiymətində cüzi artımın olması istehsalın azlığı ilə əlaqəli deyil. Çünki bu il kartof, soğan, meyvə-tərəvəz məhsullarının istehsalı daha çox olub."
Qeyd edək ki, Dövlət Statistika Komitəsinin oktyabr ayı ərzində açıqladığı rəqəmlərə görə, düyünün, unun, qarabaşaq yarmasının, makaron məmulatlarının, şəkərin, toyuq ətinin, balıq məhsullarının, kolbasa məmulatlarının, süd məhsullarının, yumurtanın, kərə və bitki yağlarının, portağalın, bananın, xiyarın, pomidorun, badımcanın, şirin bibərin, soğanın, sarımsağın, kartofun qiymətlərində bahalaşma müşahidə edilib.
Qazaxlı fermerlər tərəvəz sahələrindən 11 min 30 ton məhsul toplayıblar
Mənzil bazarında nə baş verir? - Süni qiymət oyunu
Ərzaq məhsullarının təzə, yaxud köhnə olduğunu öyrənin - YOLLARI
Daha bir mağazada süni qiymət artımı aşkarlandı
Göyçayda ilk dəfə sitrus meyvələrindən ibarət bağ salınıb
