Prezident yeni dövlət qurumu yaradır - 5 ay vaxt verdi

KORRUPSİYA-Q.AZ

Azərbaycanda standartlaşdırma üzrə dövlət fondu yaradılacaq.

Unikal.org apa-ya istinadən xəbər verir ki, bu, Azərbaycan Prezidenti İlham Əliyevin “Standartlaşdırma haqqında” qanunun tətbiqi barədə fərmanda əksini tapıb.

Fərmana əsasən, Nazirlər Kabinetinə 5 ay müddətində standartlaşdırma üzrə dövlət fondunun təşkili, saxlanması, aktuallaşdırılması və mühafizəsi qaydasını təsdiq edib Azərbaycan Respublikasının Prezidentinə məlumat vermək tapşırılıb.

Standartlaşdırma üzrə dövlət fondu müvafiq dövlət orqanları (qurumları), beynəlxalq, regional və xarici ölkələrin aidiyyəti təşkilatları ilə, habelə yerli təşkilatlarla qarşılıqlı əlaqə şəraitində qurulan və standartlaşdırma sahəsində sənədlərin məcmusundan ibarət olan və milli standartlaşdırma qurumu tərəfindən idarə olunan informasiya resursu olacaq.