İki dərman vasitəsinin könüllü geri çağırılması üçün Səhiyyə Nazirliyi Analitik Ekspertiza Mərkəzinə (AEM) müraciət edilib.
Bu barədə AEM məlumat yayıb.
Məlumata əsasən, dərman vasitələrindən biri "Para-Denk 125 Suppos" ticarət adlı paracetamol – 125 mg/supp tərkibli rektal şamlar №10 (2×5) blisterdə, karton qutu qablaşmada olan dərman vasitəsi, digəri isə "Para-Denk 250 Suppos" ticarət adlı paracetamol – 250 mg/supp tərkibli rektal şamlar №10 (2×5) blisterdə, karton qutu qablaşmada olan dərman vasitəsidir.
Geri çağırılmaya səbəb kimi qablaşdırma zədələnmələri (sızmalar) göstərilib. Qeyd edilən dərman vasitələrinin geri çağırılma dərəcəsinin üç (dərman vasitəsinin şəxsin həyat və sağlamlığına birbaşa təhlükə yaratmadığı hallar), dərman vasitəsinin geri çağırılma səviyyəsinin isə "C" (topdansatış müəssisəsinə qədər) səviyyəsində müəyyən olunduğu bildirilib.
Yoxlama zamanı hər iki dərman vasitəsində göstərilən qüsurların mövcudluğu təsdiqlənib.
Adıçəkilən dərman vasitələrinin geri çağırılması barədə qərar qəbul edilib.
Azərbaycanda bu dərmanın satışına qadağa qoyuldu
Tarif Şurasından növbəti qiymət artımı
Nazirlik səkkiz nəfərdən birinin ölümünə səbəb olan dərmanla bağlı açıqlama yaydı
Xəstələr bu iynə vurulandan sonra dünyasını dəyişir – Nazirlik hərəkətə keçdi
1258 dərman ucuzlaşdı
