Peterburq terrorunda ölən azərbaycanlı qız bu gün Bakıda dəfn olunacaq

Mərhum valideynləri onu vətənində torpağa tapşırmaq istəyib
Sankt-Peterburq metropolitenində törədilən partlayış nəticəsində ölən 20 yaşlı azərbaycanlı Dilbər Əliyevanın meyiti Bakıya gətirilib. İstiPress-in məlumatına görə, əslən Borçalıdan olan D.Əliyeva bu gün Bakıda dəfn olunacaq.
D.Əliyevanın valideynlərinin Sankt-Peterburqda yaşamasına, onun Rusiya vətəndaş olmasına baxmayaraq, mərhum valideynləri onu vətənində torpağa tapşırmaq istəyib.
Peterburq terrorunda ölən azərbaycanlı qızdan YENİ MƏLUMAT
Qeyd edək ki, Sankt-Peterburq metrosunda aprelin 3-də törədilmiş terror aktı nəticəsində həlak olan D.Əliyeva imperator I Aleksandr adına Sankt-Peterburq Dövlət Nəqliyyat Universitetinin üçüncü kurs tələbəsi olub. D.Əliyevanın ailəsi əslən Gürcüstanın Faxralı kəndindəndir.
Ailənin həm Sankt-Peterburqda, həm də Bakıda evləri olub. Ailə Rusiyadakı evlərini satıb Bakıya köçməyi planlaşdırırmış. Bunu hələ reallaşdırmamalarının səbəbi isə Dilbərin tələbə olması imiş. Üçüncü kursda təhsil alan Dilbər Universiteti bitirdikdən sonra ailə Bakıya köçəcəkmiş.
Metroda - iki stansiyasının keçidində kamikadzenin özünü partlatması nəticəsində 14 nəfər ölüb. 50-dən artıq insan isə yaralanıb. Yaralananlar arasında da azərbaycanlı var.


İstipress [xfgiven_embed] [/xfgiven_embed] [xfgiven_youtube][/xfgiven_youtube]