Zaqatalada dərəyə yıxılan azyaşlı uşaqlardan biri ölüb, digəri isə ağır xəsarət alıb. Hadisə iyulun 17-i günorta saatlarında Yuxarı Çardaqlar kəndinin yuxarı hissəsində, dağlıq ərazidə qeydə alınıb. Kanal S (Region TV) xəbər verir ki, Yuxarı Çardaqlar kənd sakinləri 2010-cu il təvəllüdlü Mələk Məmməd qızı Yəhyəyeva və 2011-ci il təvəllüdlü Rəcəb Məhəmməd oğlu Qurbanov ehtiyatsızlıqdan 6-7 metr dərinliyindəki dərəyə yıxılıblar.
Uşaqlar kənd sakinlərinin köməkliyi ilə dərədən çıxarılıblar. Müxtəlif dərəcəli ağır bədən xəsarətləri alan 6 yaşlı Mələk Yəhyəyeva və 5 yaşlı Rəcəb Qurbanov Zaqatala Rayon Mərkəzi Xəstəxanasına aparılarkən Rəcəb Qurbanov aldığı ağır bədən xəsarətlərindən yolda dünyasını dəyişib.
Xəstəxananın reanimasiya şöbəsinə yerləşdirilən Mələk Yəhyəyevaya ağır kəllə beyin travması diaqnozu qoyulub, vəziyyəti ağır kimi qiymətləndirilir. Faktla bağlı Zaqatala rayon Prokurorluğunda araşdırma aparılır. 
[xfgiven_embed] [/xfgiven_embed]
[xfgiven_youtube][/xfgiven_youtube]
Qaxda ağır qəza: 2 nəfər xəsarət alıb
Bakıda məmur yol qəzasında öldü - FOTO
Ağdamda velosiped 55 yaşlı kişini xəstəxanalıq etdi
Bu gün axşam saatlarında Şabranda yol nəqliyyat hadisəsi baş verib.
5 yaşlı uşağı maşın vurdu - Gəncədə
