Azərbaycan, İran və Rusiya ölkə başçılarının görüşü nə vəd edir? - Ekspert rəyi Yaxın günlərdə Azərbaycanda

Şimal və Cənub qonşu ölkələrin başçılarının birgə görüşü baş tutacaq. İran və Rusiya prezidentlərinin Azərbaycanda görüşü ciddi nəticələrə hədəflənib.

Belə ki, 3 ölkə başçısının görüşü nəticə etibarı ilə yeni proseslərin başlanğıcının əsası kimi sayıla bilər. 3 neft ixracatçısı olan ölkə rəhbərlərinin verdiyi qərarlar müəyyən təsir gücünə sahib ola bilər.
Mövzu ilə bağlı politoloq Rasim Musabəyov Deyerler.org-la fikirlərini bölüşərkən deyib ki, öncədən iqtisadi əməkdaşlıq münasibətlərinin inkişafı istiqamətində müzakirələrin olması prioritet olaraq götürülüb: “Konkret kifayət qədər böyük və geosiyasi əhəmiyyəti olan layihələrin müzakirəsi nəzərdə tutulub. Bunlardan Şimal-Cənub dəmir yolu kifayət qədər əhəmiyyətli bir layihədir. Çünki, bu dəmiryolunun tək bu üç ölkə üçün deyil, Hindistan, Pakistan və uzaq şərq üçün də böyük əhəmiyyəti var. Daha sonra enerji layihələri istiqamətində də müəyyən danışıqlar aparılacaq. Rusiyadan İrana və İrandan Rusiyaya elektrik enerjisinin Azərbaycan vasitəsi ilə ötürülməsi nəzərdə tutulub. Bu məsələni reallaşdırmaq üçün energetik körpü tikiləcək. Xəzərin statusunun müəyyən edilməsi istiqamətində də müəyyən danışıqların aparılması nəzərdə tutulur. Nəzər alsaq ki, 5 Xəzəryanı ölkənin 3-nün prezidenti Bakıda görüşəcək onda bu mövzuda da ciddi müzakirələrin olması istisna edilə bilməz. Dağlıq Qarabağ problemi də hansısa bir formada müzakirə predmeti olacaq. İran bu mövzu ilə bağlı vasitəçi olmasa da həmsərhəd ölkədir və bu baxımdan bu mövzu ilə bağlı müəyyən marağı da var. Eyni zamanda nəzərə almaq lazımdır ki, hər 3 ölkə neft-qaz ixracatçısıdır. Hər 3 ölkə maraqlıdır ki, neft və qazın qiyməti düşməsin. Bu baxımdan enerji sahəsində də müəyyən əməkdaşlığa ehtiyac var”. [xfgiven_embed] [/xfgiven_embed] [xfgiven_youtube][/xfgiven_youtube]