AzTV-də Vətən müharibəsi qəhrəmanlarına həsr olunmuş proqram nümayiş olunacaq

Azərbaycan Televiziyasının Novruz bayramı proqramları davam edir.

AzTV-nin Sosial media və ictimaiyyətlə əlaqələr şöbəsinin məlumatına görə, növbəti bayram proqramı “Xarıbülbül” adlanır.

“SS production”la birgə hazırlanmış layihənin dəstəkçisi Beynəlxalq Muğam Mərkəzidir.

Proqram uzun illər sonra bütöv Azərbaycanın Novruzu qeyd etməsinə, şanlı qələbəni xalqa bəxş edənlərə həsr olunub.

Milli musiqinin müasir təqdimatı üzərində qurulan proqramın aparıcıları Naid Şadxan və Gülay Hüseynovadır.

“Xarıbülbül” martın 21-i saat 22:00-da AzTV-də yayımlanacaq.