Günay Musayeva xəstəxanalıq oldu - Türk dilində danışdığı üçün

ATV-də yayımlanan “Bu stil mənim” yarışmasının münsifi, tanınmış model Günay Musayeva verilişdə türk dilində danışdığına görə xəstəxanalıq olub.
"Korrupsiya və Qanun" saytı türk mətbuatına istinadən xəbər verir ki, model Azərbaycanda türkçə danışdığı üçün tənqidlərə məruz qalıb.
Sosial şəbəkələrdə qınaq obyektinə tuş gələn model keçirdiyi stressdən xəstəxanalıq olub.
Qeyd edək ki, G.Musayevanın çıxışları qalmaqala səbəb olub. Bu məsələyə münasibət bildirən millət vəkili Nizami Cəfərov "Bu stil mənim" verilişində türk dilində danışan modellə bağlı tədbir görməlidi.
Deputat bildirib ki, Azərbaycanın dövlətinin öz dili var və bütün televiziya və radiolar da bu dildə danışmalıdır: "Televiziyada başqa dildə danışmaq olmaz. Əgər danışan şəxs Azərbaycan dilini bilmirsə, bu zaman da tərcüməçilərdən istifadə olunmalıdır. Dəb xatirinə başqa dildə danışmaq olmaz. Dövlət dili haqqında qanun var".