“WhatsApp” istifadəçilərinin sayı 1 milyardı keçib

WhatsApp” istifadəçilərinin sayı 1 milyardı ötüb.
"Korrupsiya və Qanun" saytı AzVision.az xəbər verir ki, bunu “Facebook” sosial şəbəkəsinin rəhbəri Mark Zukerberq bəyan edib.
O, bu münasibətlə səhifəsində “WhatsApp” messencerinin yaradıcıları Yan Kum və Brayan Ektonu təbrik edib.
Zukerberqin sözlərinə görə, “WhatsApp”-ın “Facebook” strukturuna daxil edilməsindən sonra messencer abunəçilərinin sayı ikiqat artıb.
“Dünyada cəmi bir neçə xidmət mövcuddur ki, 1 milyarddan çox insanı birləşdirir. Bu mərhələ bütün dünyanın birləşməsinə doğru mühüm addımdır”, - deyə Zukerberq vurğulayıb.
Xatırladaq ki, “Facebook” sosial şəbəkəsi “WhatsApp”-ı 2014-cü ildə 19 milyard dollara alıb.