Lvovda güclü partlayışlar: Ölənlər var -

Rusiya ordusu Ukraynanın Lvov şəhərinə hava zərbələri endirib, ölənlər var.

Bu barədə Lvov Vilayət Hərbi Administrasiyasının rəhbəri Maksim Kozitski məlumat verib.

Onun sözlərinə görə, azı dörd nəfər həlak olub, daha səkkiz nəfər yaralanıb. Dağıntılar altında insanların ola biləcəyi vurğulanıb.

Məlumata görə, Qara dənizdən buraxılan Rusiya raketləri əvvəlcə Kiyevə doğru uçsa da, sonra trayektoriyasını qərbə doğru dəyişdirib.

Bildirilir ki, Lvovda ilk partlayışlar saat 2:30-da olub. Sonrakı 40 dəqiqə ərzində hücum davam edib. Bəzi yerlərdə elektrik enerjisinin verilişində və mobil rabitədə fasilələr yaranıb. Bundan başqa, yaşayış binası dağılıb, kritik infrastruktur obyektinə və avtomobillərə ziyan dəyib.