Qaçqınlar və yerli sakinlər arasında kütləvi dava

Monteneqroda qaçqınlar və yerli sakinlər arasında kütləvi dava baş verib.
Korrupsiya və Qanun saytı xəbər verir ki, bu barədə yerli Vijesti qəzeti məlumat yayıb.
İnsident Spuj qəsəbəsində qeydə alınıb. Hadisə nəticəsində Pakistan vətəndaşlarından biri başından ağır xəsarət alıb. Daha bir neçə nəfər yüngül yaralanıb. Polis dalaşanları ayırmaq üçün havaya atəş açıb.
Hər iki tərəf baş verənlərə görə bir-birlərini ittiham edir. Qaçqınlar yerli sakinləri irqçilikdə,onlar isə öz növbəsində əcnəbiləri oğurluqda günahlandırırlar.
Polis faktla bağlı araşdırma aparır.