Azərbaycanlı fəal həbsxanaya salındı: 6 ay

Azərbaycanlı mədəni fəal Məhəmməd Nəcəfi məhkum edildiyi 6 aylıq həbs cəzasını çəkmək üçün Təbrizin mərkəzi zindanına aparılıb.
Korrupsiya və Qanun saytı Axar.az a istinad olaraq xəbər verir ki, o, Təbriz mərkəzi zindanının üçlü bölümünə göndərilib.
Nəcəfi 2015-ci il noyabrın 20-də Təbrizin “Traxtur” futbol komandası ilə “Siyah Cameqan” arasında keçirilən görüş zamanı Yavər Sultani, Cavad Sultani, Cahanbəxş Sultanzadə, Mehdi Şərifi, Hadi Hüseynnejad, Cəfərpur, Həsən Camali, Məcid Nağızadə, Məhəmməd Şirzadə, Mehdi Şirzadə və daha onlarla “Traxtur” tərəfdarı ilə birlikdə həbs olunub.
Öncə bir il həbs cəzasına məhkum edilən M.Nəcəfinin həbs qərarı sonralar Şərqi Azərbaycan Apelyasiya Məhkəməsi tərəfindən 6 aylıq həbs qərarı ilə əvəzlənib.
Məhkəmə M.Nəcəfini səs-küy salmaq və mübahisə yaratmaq yolu ilə ümumi asayişi pozmaqda ittiham edib.