Azərbaycan İdeyası

Tərkibində xəstəlik törədiciləri olan 235 kq ət aşkarlandı

Tarix:10-04-2019, 12:43
Baxış Sayı:462


Azərbaycan Respublikasının Qida Təhlükəsizliyi Agentliyinin əməkdaşları tərəfindən Göyçay rayonu, Çayarxı kəndində Kərimov Ağalar Nurəmməd oğluna məxsus heyvan kəsimi sahəsinə baxış keçirilən zaman 235 kq istehlaka yararsız ət aşkar olunub.
Publika.az - a istinadla xəbər verir ki, ilkin araşdırmalar zamanı ətin orqanoleptik görüntülərinə əsasən istehlaka yararsız olduğu ehtimal edilərək heyvan cəmdəklərindən nümunələr götürülüb və Qida Təhlükəsizliyi İnstitutunun Mərkəzi Baytarlıq Laboratoriyasında ekspertizaya cəlb edilib.
Aparılan analizlər nəticəsində ətin istehlak üçün yararsız olduğu öz təsdiqini tapıb. Belə ki, ətin tərkibində Nazirlər Kabinetinin 2006-cı il 7 iyul tarixli, 167 nömrəli qərarı ilə təsdiqlənmiş “Heyvanların və əhalinin sağlamlığı üçün təhlükə törədən xüsusi təhlükəli xəstəliklər” siyahısına daxil edilən təhlükəli bakteriya və göbələk mənşəli xəstəliklərin törədiciləri aşkarlanıb.
Heyvan cəmdəkləri Qida Təhlükəsizliyi Agentliyinin əməkdaşları tərəfindən Göyçay rayonunun məişət tullantıları poliqonunda baytarlıq-sanitariya tələblərinə uyğun olaraq məhv edilib.
Qida Təhlükəsizliyi Agentliyi vətəndaşların sağlamlığının qorunması, əhalinin təhlükəsiz qida ilə təmin edilməsi istiqamətində nəzarət tədbirlərini davam etdirir. Agentlik vətəndaşlardan xahiş edir ki, istehlakçı hüquqlarının pozulması hallarına biganə qalmasınlar və əhalinin sağlam qida məhsulları ilə təmin olunmasında Agentlik tərəfindən həyata keçirilən nəzarət tədbirlərində yaxından iştirak etsinlər.
Agentlik vətəndaşlardan qida sahəsində bu cür neqativ hallarla bağlı məlumatları olduqda aidiyyəti hüquq-mühafizə orqanlarına və 1003 nömrəli "Çağırı Mərkəzi”nə zəng edib məlumat verməyi xahiş edir.

OXŞAR XƏBƏRLƏR
Bu gün Türkiyədə Milli Suverenlik və Uşaq Bayramıdır
Bu gün Türkiyədə Milli Suverenlik və Uşaq Bayramıdır
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
Xərçəng cavanlaşıb: Xəstəliyin ARTMA SƏBƏBLƏRİ
Xərçəng cavanlaşıb: Xəstəliyin ARTMA SƏBƏBLƏRİ
Hövsanda spirt sexində partlayış - ölən və xəsarət alan var - YENİLƏNİB
Hövsanda spirt sexində partlayış - ölən və xəsarət alan var - YENİLƏNİB
“Aviasiya haqqında” qanun dəyişdi
“Aviasiya haqqında” qanun dəyişdi
Azərbaycanda daha bir məhkum dünyasını dəyişdi-18.04.2025.
Azərbaycanda daha bir məhkum dünyasını dəyişdi-18.04.2025.
Bakı yenə su altında qaldı: Belə hava şəraitinə görə tədbirlər əvvəlcədən görülmidir ki... +FOTO!
Bakı yenə su altında qaldı: Belə hava şəraitinə görə tədbirlər əvvəlcədən görülmidir ki... +FOTO!
Ağdamda ata və azyaşlı övladları minaya düşüblər
Ağdamda ata və azyaşlı övladları minaya düşüblər