Azərbaycan İdeyası

DİGƏR PALTARQURUTMA QADAĞASI: CƏRİMƏ TƏTBİQ EDİLƏ BİLƏRMİ

Tarix:18-07-2019, 14:02
Baxış Sayı:220


Şəhərin estetik görünüşünün pozulmaması üçün prospektlərdə yaşayan sakinlərə eyvanlardan paltar asmaq qadağan edilsə də, bəzi vətəndaşlar buna məhəl qoymur. Şəhərin bəzi küçələrində eyvanlardan ənənəvi formada paltar asıldığının şahidi oluruq.
Bəs görəsən, eyvan qadağasına əməl etməyənləri hansı cəza tədbirləri gözləyir?
Məsələ ilə bağlı danışan Bakı şəhər Baş Polis İdarəsinin Mətbuat Xidmətinin rəisi, polis mayoru Elşad Hacıyev bildirib ki, sözügedən halların aradan qaldırılması üçün müntəzəm olaraq vətəndaşlarla maarifləndirici söhbətlər aparılır:
“Paytaxtın mərkəzi küçə və yollarında şəhərin ümumi görünüşünə xələl gətirən paltarqurutma ənənəsi ilə bağlı asılan zivələrin yığışdırılması və sökülməsi ilə bağlı Bakı Şəhər Baş Polis İdarəsinin ərazi polis orqanlarının hər bir bölmə, şöbə, idarə, eləcə də ictimai təhlükəsizlik şöbələrinin əməkdaşları tərəfindən yerlərdə mənzil sahibi olan vətəndaşlarla fərdi-profilaktik söhbətlər aparılır. Söhbətlər zamanı vətəndaşlara paytaxtın ümumi görünüşünə xələl gətirən halların aradan qalırılmasını təmin etmələri ilə bağlı xəbərdarlıq edilsə də, bütövlükdə hər hansı inzibati cəza tədbirləri nəzərdə tutulmayıb. Belə halların aradan qaldırılması mütəmadi olaraq ərazi polis orqanlarında olan ictimai təhlükəsizlik əməkdaşlarının diqqətində saxladığı məsələlər sırasındadır. Bu istiqamətdə yalnız profilaktik-maarifləndirmə tədbirləri davam etdirilir”.
E.Hacıyev şəhər sakinləri tərəfindən küçələrin zibillənməsi, eləcə də yaranan antisanitar vəziyyətlə bağlı da inzibati cəza tədbirlərinin nəzərdə tutulmadığını söyləyib:
“Bütövlükdə küçə ticarəti, antisanitariya, piyada yollarında avtomobillərin qadağan olunmamış yerlərdə saxlanılması kimi şəhərin görüntüsünü korlayan və narahatlıq yaradan hər bir məsələ tərəfimizdən diqqətdə saxlanılır. Belə halların aradan qaldırılması istiqamətində biz yalnız maarifləndirmə və profilaktik tədbirlərə müraciət edirik.
Şəhərin mərkəzi küçə və prostpektlərində bu hallar nisbətən azalsa da, bəzi ərazilərdə neqativ hallar müşahidə olunmaqdadır. Çalışırıq ki, bu problemlər tam şəkildə öz həllini tapsın.
Bəyan edirik ki, şəhər təsərrüfatına, paytaxtın ümumi görünüşünə xələl gətirən hallarla bağlı hər bir vətəndaş, paytaxt sakini, eləcə də paytaxtımıza gələn qonaqlar fəal olmalı, polisin bu tədbirlərinə dəstək verməlidirlər”.

OXŞAR XƏBƏRLƏR
Prokuror Namiq Əliyev Roma papasından artıq katolikdir?
Prokuror Namiq Əliyev Roma papasından artıq katolikdir?
Beş il əvvəl pandemiya və müharibə vəziyyətində iş və qazanc vəd etdiyi insanları aldadıb pullarını mənimsəyən şəxsdən şikayət
Beş il əvvəl pandemiya və müharibə vəziyyətində iş və qazanc vəd etdiyi insanları aldadıb pullarını mənimsəyən şəxsdən şikayət
“Manato” Azad Şuşanı işğal edir
“Manato” Azad Şuşanı işğal edir
Gülzar Namazovanın "Vətən müharibəsi ensklopediyası" adlı kitabının təqdimatı keçirilib
Gülzar Namazovanın "Vətən müharibəsi ensklopediyası" adlı kitabının təqdimatı keçirilib
Möhtəşəm qayıdış
Möhtəşəm qayıdış
Məhkəmə Hüquq Şurasında bir qrup hakimlərin Xuraman Əhliman qızı Quliyevaya və onun övladlarına qarşı törətdikləri xüsusi ağır cinayət əməlləri kimlər tərəfindən və necə illərlə gizlədilir?!
Məhkəmə Hüquq Şurasında bir qrup hakimlərin Xuraman Əhliman qızı Quliyevaya və onun övladlarına qarşı törətdikləri xüsusi ağır cinayət əməlləri kimlər tərəfindən və necə illərlə gizlədilir?!
Hakimlər Elsaldarla cinayət əlaqəsinə girərək, baş redaktor Xuraman Əhliman qızı Quliyevanın mənzilinə mülkiyyət hüququnu oğurluq yolla necə mənimsəmişlər?!
Hakimlər Elsaldarla cinayət əlaqəsinə girərək, baş redaktor Xuraman Əhliman qızı Quliyevanın  mənzilinə mülkiyyət hüququnu oğurluq yolla necə mənimsəmişlər?!
...Ola bilər ki, özü də nəfsi itinin biridir!
...Ola bilər ki, özü də nəfsi itinin biridir!