Bakıda ''Aşura'' günü ilə əlaqədar polis gücləndirilmiş rejimdə işləyir. Criminal.az saytı xəbər verir ki, şəhərin bəzi yerlərində məscidlərə gedən yollarda maşınların hərəkəti dayandırılıb, polis postları qoyulub.
Oxucular Criminal.az saytına bildirib ki, 6-cı mikrorayon ərazisində Həzrəti İmam Əli məscidinə gedən yol da bağlanıb. İnsanlar məscidə getmək üçün maşınları kənarda saxlayaraq ayaqla getməyə məcbur olub.
Xatırladaq ki, bir neçə gün əvvəl Bakı şəhər Baş Polis İdarəsinin rəis müavini, polis general-mayoru Səhlab Bağırov bildirmişdi ki, paytaxtda Aşura mərasimlərinin keçiriləcəyi yerlərdə ictimai qaydanın qorunması və ictimai təhlükəsizliyin təmin edilməsi ilə əlaqədar təhlükəsizlik tədbirləri gücləndiriləcək:
“Hər il olduğu kimi, bu il də Aşura günü ilə əlaqədar ictimai asayişin qorunması məqsədilə oktyabrın 12-i paytaxt polisi gücləndirilmiş iş rejimində çalışacaq, ictimai asayiş lazımı şəkildə təmin ediləcək”.
Polis Aşura ilə əlaqədar gücləndirilmiş rejimdə işləyəcək
“Bakıda təhlükəsizlik tədbirləri gücləndiriləcək” - General
Bu gün ''Aşura''dır
Polis 230 kq narkotik tutdu
İlham Əliyev bu polisləri təltif etdi - Siyahı
