Azərbaycan-Rusiya sərhədində əməliyyat: Xeyli sayda mobil telefon ələ keçdi - FOTO/VİDEO

Dövlət Gömrük Komitəsinin Əməliyyat İstintaq Baş İdarəsinin Əməliyyat İdarəsinə Rusiya Federasiyasından ölkəmizə qaçaqmalçılıq yolu ilə xeyli sayda mobil telefonun gətiriləcəyi barədə əməliyyat məlumatı daxil olub.
Korrupsiya-q.az xəbər verir ki, həmin məlumat əsasında Şimal Ərazi Baş Gömrük İdarəsinin Əməliyyat və təhqiqat şöbəsinin əməkdaşları tərəfindən Rusiya Federasiyası istiqamətindən “Samur” gömrük postunun idxal nəzarəti xəttinə daxil olan Azərbaycan vətəndaşı Cavadov Əlyar Sərdar oğlunun idarə etdiyi “SCANİA R420” markalı, 99-UR142/42ZA485 dövlət qeydiyyat nişanlı yük nəqliyyat vasitəsinə gömrük baxışı keçirilib.
Yoxlama zamanı avtomobilin yanacaq çəninin içərisindən gömrük nəzarətindən gizlədilən, polietilen paketlərə sarınmış şəkildə 202 ədəd müxtəlif versiyalı “iPhone 11” markalı və 15 ədəd “Samsung S20” markalı, ümumilikdə, 217 ədəd mobil telefon aşkar edilib.