Xaricdə dünyasını dəyişən 14 azərbaycanlının nəşi Vətənə gətirildi

2020-ci ildə 14 azərbaycanlı xaricdə vəfat edib.
Diasporla İş üzrə Dövlət Komitəsindən bildirilib ki, onların nəşinin ölkəyə gətirilərək ailələrinə təhvil verilməsində yaxından iştirak edib. Amerika Birləşmiş Ştatları, Kuba, Polşa, Belçika, Fransa və Rusiyada ölən soydaşlarımızın vətəndə torpağa tapşırılması üçün dövlət komitəsi, eləcə də bir çox diaspor təşkilatları lazım olan vəsaiti ödəməyi də öz üzərinə götürüb.
Qeyd edək ki, xaricdə dünyasını dəyişən azərbaycanlıların ölüm səbəbləri intihar, qətlə yetirilmə, suda və qazdan boğulma, koronavirus infeksiyası, eləcə də digər xəstəliklər olub.