​Banqladeşdə seçkilər zamanı baş verən toqquşmalarda 12 nəfər ölüb

Banqladeşdə yerli hökumət orqanlarına keçirilən seçkilərdə baş verən ixtişaşlarda 12 nəfər həyatını itirib, 200-dən artıq insan xəsarət alıb.

Musavat.com “Daily Star”a istinadən xəbər verir ki, ötən gün 700-dən çox yerli orqana seçkilər keçirilib. İxtişaşlar ölkənin müxtəlif dairələrində baş verib. Ölənlərin əksəriyyəti müxtəlif siyasi qüvvələrin tərəfdarlarıdır.

Məlumata görə, bu ilki seçkilər ölkə tarixində ən qanlı seçkilər hesab olunur. Mart ayında keçirilən ilk seçkilərdə 37 nəfər həlak olmuşdu. Ümumilikdə seçkilərlə əlaqədar müxtəlif ixtişaşlarda minlərlə insan xəsarət alıb.