ABŞ-dan Çinə mesaj: “Elə fikrimiz yoxdur”

Biz Asiya-Sakit okean ölkələrinin Rusiyanın qarşısının alınması və iqlim dəyişikliyinə qarşı mübarizənin aparılmasında ABŞ-a yardım edəcəyinə ümid edirik.

Axar.az xəbər verir ki, bunu ABŞ Müdafiə naziri Eşton Karter Sinqapurda keçirilən Asiya-Sakit okean regionunun təhlükəsizliyi üzrə beynəlxalq konfransda çıxışı zamanı söyləyib.

Onun sözlərinə görə, Vaşinqton bundan sonrakı onilliklərdə də bu bölgədə öz hərbi mövcudluğunu saxlayacaq və bu bölgədən çıxmaq kimi fikirləri yoxdur. O, Cənubi Çin dənizindəki gərginliyin və Şimali Koreyanın keçirdiyi nüvə sınaqlarının region üçün təhdid yaratdığını bildirib.