Türkiyədə ağır qəza - 2 azərbaycanlı öldü

Türkiyənin İğdır vilayətində Naxçıvan sakininin idarə etdiyi avtomobil aşıb.

Korrupsiya və Qanun saytı Türkiyə mətbuatına istinadən xəbər verir ki, hadisə ötən gün baş verib.

Məlumata görə, İğdırdan Naxçıvana gedən "85-CV-989" Azərbaycan dövlət nömrəli nişanlı avtomobil Dilucu sərhəd keçid məntəqəsinin yaxınlığında yoldan çıxaraq aşıb. Qəzaya sürücünün idarəetməni itirməsi səbəb olub.
Qəza nəticəsində 2 azərbaycanlı qadın həlak olub, 3 nəfər isə yaralanıb. Xəsarət alanlar İğdır şəhər xəstəxanasına yerləşdiriliblər.
Ölən və yaralanan şəxslərin adları açıqlanmır.