Qanunu pozanlar cəzasın alacaq

Eşitsin, agah olsun millətə xor baxanlar,
Qanunu tapdalayıb ona qarşı çıxanlar.

Qurduğumuz bu ölkə olub Odlar Diyarı,
Xalqın qan bahasına qazanmışıq Baharı.

Sahibi bu ölkənin xalqın özüdü, özü,
Qərar verənin seçib qətidi onun sözü.

Bu ölkəni çox olub tapdalayan, dağıdan,
Azad edən millətdi bu torpağı yağıdan.


Hamımız əlbir olaq, möhəmlədək qüdrətin,
Xalqın hər bir övladı qorumalı dövlətin.

Bunu görməyən yoxdu - dünya od tutub yanır,
Bizdə də bəziləri xalqı yiyəsiz sanır.

Xalqın, millətin sevən saysızdı sıramızda,
Qanunu pozanlara yer yoxdu aramızda.

Rüşvətxorlar, acgözlər alacaq öz payını,
Xalqın özü salacaq vəzifədən zayını.

Qanunları pozanlar daha həddini aşıb,
Xalqın qəlbdən sevənin səbir kasası daşıb.

Maqsud, öz qələminlə sən et öz xalqına bəyan,
Tutarlı əllərdədi anamız Azərbaycan.

Maqsud Qobustanlı

"Korrupsiya və Qanun" [xfgiven_embed] [/xfgiven_embed] [xfgiven_youtube][/xfgiven_youtube]