Qondarma Dağlıq Qarabağ hakimiyyətinin kəlbəcərli girovlardan birini erməni zabiti Qurgen Markaryanı qətlə yetirən Ramil Səfərovla dəyişməklə bağlı verdiyi təklifə hakim partiyanın icra katibinin müavini, millət vəkili Siyavuş Novruzov münasibət bildirib.
S. Novruzov “Qafqazinfo”ya açıqlamasında bu təklifin növbəti erməni xislətinin, saxtakarlığının nümunəsi olduğunu vurğulayıb: “Bildiyimiz kimi, Ramil Səfərov Azərbaycana ekstradisiya olunduqdan sonra ölkə başçısı tərəfindən əfv olunub, rütbəsi və işi də bərpa olunub. Ona qarşı çox ədalətsiz bir qərar qəbul edilmişdi. Ermənilər Azərbaycanı, vətəndaşlarımızı təhqir etməklə Ramili cinayətə sövq etmişdi. Biz bunu cinayət hesab etmirdik. Beynəlxalq məhkəmələr bunu cinayət adlandırmışdı. Bizim iki vətəndaşımız isə sadəcə olaraq ata-baba yurdunu görməyə gedib. Hər hansı qanunu pozmayıb. Qanunu pozan həmin saxta qurumun rəhbəridir. Onun Xocalı faciəsində əli var, haqqında cinayət işi də var. Bu cür insanlara qarşı beynəlxalq tribunalardan, o cümlədən məhkəmələrdə cinayət işləri qaldırılmalıdır. Girovlarımızın birinə ömürlük, birinə isə 20 illik azadlıqdan məhrum etməklə, qondarma məhkəmə keçirməklə, yeni təxribatçı fikirlər ortaya atmaqla heç nəyə nail ola bilməyəcəklər. Əgər beynəlxalq hüquqa tabe olmayacaqlarsa, girov götürülmüş şəxslərin digər girovlarla dəyişdirilməsi məsələsinə də baxıla bilər”.
Siyavuş Novruzov koronavirusla bağlı şayiə yayanların cəzalandırılmasını istəyir M
“Bu yoldan geri çəkilməyəcək” – Siyavuş Novruzov 06.02.15 | 09:12 | Xəbər 275 dəfə oxunub
Ramil Usubov: “Zəngəzurda quruculuq işləri bölgədəki erməni əhalisinə seçim üçün xüsusi imkan yaradır”
Siyavuş Novruzov Elza Seyidcahandan danışdı
Hərəsinin 4-5 cangüdəni var` - Siyavuş Novruzov
