Azərbaycan İdeyası

Həbs olunan sabiq icra başçısını hansı cəza gözləyir?

Tarix:4-05-2020, 11:49
Baxış Sayı:139


Dövlət Təhlükəsizliyi Xidmətində (DTX) aparılan cinayət işi üzrə Biləsuvar Rayon İcra Hakimiyyətinin sabiq başçısı Mahir Quliyev vəzifə səlahiyyətlərindən sui-istifadə etmə, təkrar rüşvət alma, mənimsəmə faktlarına görə, Cinayət Məcəlləsinin müvafiq maddələri ilə məsuliyyətə cəlb edilərək, barəsində məhkəmənin qərarı ilə həbs qətimkan tədbiri seçilib.
Qeyd olunan maddələr üzrə təqsiri sübuta yetirilərsə, sabiq icra başçısını hansı cəza gözləyir?
Məsələ ilə bağlı Oxu.Az-ın sualını vəkil Adilə Məmmədova cavablandırıb.
O bildirib ki, məhkəmə Cinayət Məcəlləsinin 66.3-cü maddəsinə uyğun olaraq, cəzaları qismən toplama üsulu ilə birləşdirərsə, M.Quliyev 15 ildən artıq müddətə azadlıqdan məhrum edilə bilər:
“Ona qarşı Cinayət Məcəlləsinin 308.2-ci maddəsi ilə irəli sürülən ittihamda vəzifə səlahiyyətlərindən sui-istifadə ağır nəticələrə səbəb olduqda üç ilədək müddətə müəyyən vəzifə tutmaq və ya müəyyən fəaliyyətlə məşğul olmaq hüququndan məhrum edilməklə, əmlakı müsadirə olunmaqla üç ildən yeddi ilədək müddətə azadlıqdan məhrum etmə ilə cəzalandırılır.
Təkrar rüşvət almaya görə isə əmlakı müsadirə olunmaqla səkkiz ildən on iki ilədək müddətə azadlıqdan məhrum etmə ilə cəzalandırılır. 179.3.2-ci maddəsi ilə mənimsəmə külli miqdarda törədildikdə isə əmlakı müsadirə olunmaqla və ya olunmamaqla, beş ildən on ilədək müddətə azadlıqdan məhrum edilə bilər. Bunlar qismən toplandıqda həmin şəxsi 15 ildən artıq müddətə azadlıqdan məhrum etmə cəzası gözləyir”.
Xatırladaq ki, aprelin 30-da Səbail Rayon Məhkəməsində Biləsuvar Rayon İcra Hakimiyyətinin sabiq başçısı M.Quliyevin barəsində həbs qətimkan tədbiri seçilməsi ilə bağlı istintaq orqanının təqdimatına baxılıb. Hakim Anar Tanrıverdiyev M.Quliyevin barəsində 4 ay müddətinə həbs qətimkan tədbiri seçilməsi barədə qərar çıxarıb.

OXŞAR XƏBƏRLƏR
İran İsraillə atəşkəsi təsdiqlədi
İran İsraillə atəşkəsi təsdiqlədi
Tramp: "Təbrik edirəm, dünya, artıq sülh vaxtıdır" - FOTO
Tramp: "Təbrik edirəm, dünya, artıq sülh vaxtıdır" - FOTO
İcra hakimiyyətləri ləğv olunur? -Hansısa başçı özünü Şah Abbas kimi aparırsa…
İcra hakimiyyətləri ləğv olunur? -Hansısa başçı özünü Şah Abbas kimi aparırsa…
Fars körfəzində 1 000-ə yaxın gəminin iştirakı ilə tıxac yaranıb
Fars körfəzində 1 000-ə yaxın gəminin iştirakı ilə tıxac yaranıb
Səssiz müharibə: Mediada İsrail-İran qarşıdurmasının görünməyən cəbhəsi
Səssiz müharibə: Mediada İsrail-İran qarşıdurmasının görünməyən cəbhəsi
Sabah 33 dərəcə isti olacaq - PROQNOZ
Sabah 33 dərəcə isti olacaq - PROQNOZ
Azərbaycanda karantin rejiminin müddəti uzadıldı
Azərbaycanda karantin rejiminin müddəti uzadıldı
QMİ Məhərrəmliklə bağlı FƏTVA VERDİ
QMİ Məhərrəmliklə  bağlı FƏTVA VERDİ