Daxili İşlər Nazirliyinin “102” Zəng Mərkəzinə və Zaqatala Rayon Polis Şöbəsinə rayonun Çobankol kəndində yerləşən evlərin birindən oğurluq edildiyi və daha sonra həmin evin yandırılması barədə müraciət daxil olub.
DİN-in Mətbuat Xidmətinin Şəki regional qrupundan verilən məlumata görə, Polis Şöbəsinin əməkdaşları tərəfindən hadisə yerinə baxış keçirilib və zəruri bilinən istintaq-əməliyyat tədbirləri həyata keçirilib.
Keçirilən tədbirlərlə cinayət əməlini törətməkdə şübhəli bilinən rayonun Çobankol kənd sakinləri Ramazan Bədəlov və Fariz Kərimov saxlanılaraq, istintaqa təqdim edilib.
Evdən müxtəlif məişət əşyaları və spirtli içkilər oğurladıqdan iki gün sonra sərxoş vəziyyətdə olan “dost”lar etdikləri cinayət əməlini gizlətmək məqsədilə onu yandırıblar.
Faktla bağlı Zaqatala Rayon Polis Şöbəsinin İstintaq bölməsində cinayət işi başlanılıb, istintaq aparılır.
Evdən külli miqdarda pul oğurlayıb əyləncə üçün xərclədi
Bir evi 3 dəfə qarət edən cinayətkar dəstə üzvləri tutuldu - FOTO
Bakıda avtomobillərdən oğurluq edən dəstə üzvləri tutuldu - FOTOLAR
Polis nənənin evindən oğurluq edən nəvəni tutdu
Keçmiş məhkumlar "iş başında" yaxalandılar
