Göyçayda oğurluğa cəhd edilib.
Daxili İşlər Nazirliyi mətbuat xidmətinin Şəki regional qrupundan Lent.az -a verilən məlumata görə, hadisə rayonun Qarayazı kəndində qeydə alınıb. Göyçay rayon Polis Şöbəsinin əməkdaşları xidmətdə olan zaman istismarı dayandırılmış elektrik naqillərinin 2 nəfər şəxsin oğurluq məqsədilə kəsdiyini müəyyən edərək, onları elə “iş başında” yaxalayıblar.
Dərhal əraziyə əməliyyat-istintaq qrupu cəlb olunub. İlkin araşdırma zamanı naqilləri oğurlamaq istəyən şəxslərin İsmayıllı rayonu, Qubaxəlilli kənd sakinləri-əvvəllər məhkum olunmuşlar Natiq Həsəni və Oqtay Şirinov olduqları müəyyən edilib. Onlar şübhəli şəxs qismində saxlanılaraq polis şöbəsinə gətiriliblər. Oğurluq məqsədilə kəsilmiş naqillər və dəmir kəsən alətlər həmin ərazidən maddi sübut kimi götürülüb.
Faktla bağlı Göyçay rayon Polis Şöbəsində araşdırma aparılır.
Keçmiş məhkumlar əməllərini təkrarladılar
Balakəndə 20 min manatlıq qızıl oğurlayanlar saxlanıldı
Bakı metrosunda oğurluq edən cibgir dəstə tutuldu
Xırdalanda aptekə balta ilə soxulan şəxs yaxalandı
Evdən külli miqdarda pul oğurlayıb əyləncə üçün xərclədi
