Yasamalda ŞOK ƏMƏLİYYAT - Qadın narkotacir tutuldu

Bakıda qadın narkotacir tutulub. Oxu24.com Daxili İşlər Nazirliyinə istinadən xəbər verir ki, Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində narkotiklərin qanunsuz dövriyyəsində şübhəli bilinən P.İsayeva Yasamal rayonu ərazisində saxlanılıb. Şəsxi axtarış zamanı ondan 8,5 qramdan artıq heroin aşkar edilib. Davam edilən tədbirlərlə onun yaşadığı evə baxış zamanı isə əlavə olaraq 635 qramdan artıq heroin, 23 qrama yaxın metamfetamin və 1 ədəd elektron tərəzi götürülüb. Araşdırmalar davam etdirilir.